Ekziston një hendek në rritje midis veriut global dhe jugut global kur bëhet fjalë për liritë e udhëtimit, thotë raporti i parë i vitit 2022 nga firma këshilluese globale e qytetarisë dhe vendbanimit me qendër në Londër, Henley & Partners, raporton CNN, transmeton arbresh.info.

Indeksi i pasaportave të firmës Henley, bazuar në të dhënat ekskluzive të ofruara nga Shoqata Ndërkombëtare e Transportit Ajror (IATA), ka monitoruar rregullisht pasaportat më të përshtatshme për udhëtime në botë që nga viti 2006.

Ai thotë se rritja e barrierave të udhëtimit që janë futur gjatë rrjedhës së pandemisë Covid kanë rezultuar në hendekun më të madh global të lëvizshmërisë në historinë 16-vjeçare të indeksit.

Mbajtësit e pasaportave në krye të renditjes së tij, Japonia dhe Singapori, janë në gjendje të udhëtojnë pa viza në 192 destinacione.

Më poshtë në top 10, renditja mbetet praktikisht e pandryshuar ndërsa hyjmë në tremujorin e parë të 2022.

Koreja e Jugut është e barabartë me Gjermaninë në vendin e dytë (me një rezultat prej 190) po ashtu dhe Finlanda, Italia, Luksemburgu, Spanja janë të gjitha së bashku në vendin e tretë. (me rezultatin 189).

Vendet e BE-së dominojnë në krye të listës si zakonisht, me Francën, Holandën dhe Suedinë që ngjiten një pikë për t’iu bashkuar Austrisë dhe Danimarkës në vendin e katërt (me një rezultat 188).

Irlanda dhe Portugalia janë në vendin e pestë (me 187 pikë).

Shtetet e Bashkuara dhe Mbretëria e Bashkuar, të cilat mbanin vendin e parë së bashku në vitin 2014, kanë rifituar pak terren.

Ata janë ngritur me një renditje në numrin 6, së bashku me katër kombe të tjera me një histori izolacioni ose neutraliteti: Zvicra, Norvegjia, Belgjika dhe Zelanda e Re.

Pasaportat më të fuqishme në 2022:

1. Japoni, Singapor (192 destinacione)

2. Gjermani, Kore e Jugut (190 destinacione)

3. Finlandë, Itali, Luksemburg, Spanjë (189 destinacione)

4. Austri, Danimarkë , Franca, Holanda, Suedia (188 destinacione)

5. Irlanda, Portugalia (187 destinacione)/arbresh.info/